من تلاش ميكنم پس هستم

گوزوم آيدين، گورورم سوگلي قارداشلاريمي
باسميشام باغريما ئوز دوغما قارينداشلاريمي
آچميشام قوللاري خلقيمه اوزوك حلقه سي تك
سالميشام حلقه يه قيمتلي اوزوك قاشلاريمي
فلكين چرخيني سينديرميشام اول داشدا
اته گيمده هله ده ساخلاميشام داشلاريمي
آچميشام قرنميزين باغلي قالان يوللاريني
تاپميشام يوز سنه غربتده كي يولداشلاريمي
بو سليمان دي يانيمدا، گوره سن من اينانيم؟
گاه آچيپ گاه قييرام گوزلريمي، قاشلاريمي
ييغيشين شنليك ائده ك قرنميزين بايرامدير
سيل گوزيمدن بو يوز ايلدن بري گوز ياشلاريمي
يوز باشيم اولسادا، اولسون، يوخ اوزومده قيريشيم
جوانام، كيم نه بيلير گيزله ديرم ياشلاريمي
قوچي قربانلاريمي كسدي وطن اويناشيميز
قانيمي خيرات ائدر كن يدي بوزباشلاريمي
آنا اويناشيمي غيرت گوزي گورسه كور اولور
من نه گوزله گوره بيللم وطن اويناشلاريمي
گئده ليم قافقاز اوشاقلاريني تجليل ائده ليم
شهرياريم، دارا ساققلاريمي، ساشلاريمي

ســـن ياريمين قاصدي سـن
ايلش ســنه چــــاي دئميشم
خـــياليني گــــوندريب ديــــر
بسكي من آخ ، واي دئميشم
آخ گئجه لَـــر ياتمـــــاميشام
مــن سنه لاي ، لاي دئميشم
ســـن ياتالــي ، مـن گوزومه
اولـــدوزلاري ســـاي دئميشم
هــر كـــس سنه اولدوز دييه
اوزوم ســــــــــنه آي دئميشم
سننن ســـورا ، حــــياته من
شـيرين دئسه ، زاي دئميشم
هــر گوزلدن بيــر گـــول آليب
ســن گـــوزه له پاي دئميشم
سنين گـــون تــك باتماغيوي
آي بـــاتـــانـــا تــــاي دئميشم
اينــدي يــايــا قــــيش دئييرم
ســـابق قيشا ، ياي دئميشم
گــاه تــوييوي ياده ســــاليب
من ده لي ، ناي ناي دئميشم
ســونــــرا گئنه ياســه باتيب
آغــــلاري هاي هاي دئميشم
عمـــره ســورن من قره گون
آخ دئــمــيشم ، واي دئميشم 

جانا گلميشيك بيز بو جانان اليندن
كه نه انس امان تاپدي نه جان اليندن
مسلمانه باخ، دين و ايمان قان آغلير
بو دين سيز، ايمان سيز مسلمان اليندن
بو شيطاندي، بيز آدمي گويده تولار
قاچا بيلمز آدم بو شيطان اليندن
آلار اول ايماني، سونداندا جاني
نه ايمان قالار ديبده نه جان اليندن
قاريشقا كيمي دئو نژادي قيميلدير
كه خاتم چيخيب دير سليمان اليندن
بادمجان چوخي بازيلاردا كوچوكلر
دا ترپشمك اولماز باديمجان اليندن
خوروز تك بيزي دنله ييب قورتايبدير
چينه قالماييب نو چيكدان اليندن
پناه اولسا بيز خلقه كافر، قوي اولسون
سيخينتي دوشه ك كفره، ايمان اليندن
گئديب چٶلده كي حيوانا يالوارديق
كه گلسين، بيزي آلسين اينسان اليندن
ائله تورشاديب ايرانين عيرانين كه
گٶزللر گٶزي ياشدي ايران اليندن
ساليب دير اله، سانكي موسا عصاسين
قاچير اژدها لر، بو ثعبان اليندن
نه سلطانلار اولوش الينده اويونجاق
نه گلسين اويونجاقلي سلطان اليندن
بئش- اوچ باش بيله ن ده قاليرسا، اوشاق تك
قاچيب گيزله نيب لر، بوخورتان اليندن
ائويم زندانيم، مٲموريم ٲوز ايچيمده
هاراقاچسين اينسان بو زنداناليندن
بيزاينسان اولاق، يا كه حيوان، امان يوق
نه اينسان قوتارميش، نه حيوان اليندن
نه دئولر كه قيطانلا زنجير له نيب لر
قنف لر قيريلميش بو قيطان اليندن
ساليب خلقي درمان آديلن نه درده
كه درد آغلايير بيله درمان اليندن
او بيگ خان يازيقلار نه اينسانيميشلار
عبث آغليارديقاو بيگ خان اليندن
وئررديك قديم ديوانا عرضه، ايندي
كيمه عرضه وئرمك بو ديوان اليندن؟
نه طوفانه راست گلميشيك بيز، مگر نوح
گله قورتارا خلقي طوفان اليندن

بار الاها سن بيزه وئر بو شياطين دن نجات
اينسانين نسلين كسيب ، وئر اينسه بو جين دن نجات
بيزدن آنجاق بير قاليرسا ، شيطان آرتيب مين دوغوب
هانسي رؤيا ده گؤروم من ، بير تاپا مين دن نجات
بئش مين ايلدير بو سلاطينه گرفتار اولموشوق
دين ده گلدي ، تاپماديق بيز بو سلاطين دن نجات
بير يالانچي دين ده اولموش شيطانين بير مهره سي
دوغرو بير دين وئر بيزه وئر بو يالان دين دن نجات
هر دعا شيطان ائدير ، دنيا اونا آمين دئيير
قوي دعا قالسين ، بيزه سن وئر بو آمين دن نجات
ارسيني تنديرلرين گوشويلاريندا اوينايير
كيمدي بو گودوشلارا وئرسين بو ارسيندن نجات
يا كرم قيل ، كينلي شيطانين اليندن آل بيزي
يا كي شيطانين اؤزون وئر بيرجه بو كين دن نجات
اؤلدورور خلقي ، سورا ختمين توتوب ياسين اوخور
بار الاها خلقه وئر بو حوققا ياسين دن نجات
دينه قارشي ( بابكي – افشيني ) بير دكان ائديب
بارالاها دينه ، بو بابكدن ، افشين دن نجات
( ويس و رامين ) تك بيزي رسواي خاص و عام ائديب
ويس ده اولساق ، بيزه يارب بو رامين دن نجات
شوروي دن ده نجات اومدوق كي بير خئير اولمادي
اولماسا چاي صانديقيندا قوي گله چين دن نجات
من تويوق تك ، اؤز نينيمده دوستاغام ايللر بويو
بير خوروز يوللا تاپام من بلكي بو نين دن نجات
« شهريارين » دا عزيزيم بير توتارلي آهي وار
دشمني اهريمن اولسون ، تاپماز آهين دن نجات

ترجمهٔ فارسي :

بار خدايا تو ما را از چنگ اين شياطين نجات بده
نسل انسان را بريده : انسان را از چنگ اين جن نجات بده
از ما اگر يكي مي ماند ، شيطان هزار مي زايد و اضافه مي شود
در كدام رويا مي توانم ببينم ، كه يك از چنك هزار نجات يابد
پنج هزار سال است كه گرفتار اين سلاطين شده ايم
دين هم آمد ، از چنگ سلاطين نجات پيدا نكرديم
يك دين دروغين هم يكي از مهره هاي شيطان شده است
ديني حقيقي به ما بده ، ما را از اين دين دروغين نجات بده
هر دعائي كه شيطان مي كند ، دنيا آمين مي گويد
بگذار دعا بماند ، تو به ما را از چنگ آمين نجات بده
كارد ( تنورشان ) داخل كوزه شان مي رقصد
كيست كه اين كوزه ها را از چنگ كارد تنور نجات دهد
يا كرم كن ، از چنگ شيطان كينه توز نجاتمان بده
يا كه خود شيطان را از چنگ اين كين نجات بده
مردم را مي كشد ، سپس برايش ختم گرفته و ياسين مي خواند
بار خدايا خلق را از چنگ اين ياسين و حقه نجات بده
در مقابل دين ( بابك و افشين ) را بهانه قرار داده
بار خدايا دين را ، از چنگ ( بهانه ) بابك و افشين نجات بده
مانند ( ويس و رامين ) ما را رسواي خاص و عام كرده است
ويس هم باشيم ، يارب ما را از چنگ رامين نجات بده
اميد نجات از شوروي داشتيم كه خيري نديديم
يكباره بگذار در صندوقچه چاي از كشور چين نجات بيايد
من مانند مرغي ، سالهاست كه در لانه خود زندانيم
خروسي بفرست تا بلكه از اين زندان نجات يابم
عزيز من « شهريار » هم آهي پر اثر دارد
دشمنش اهريمن هم باشد نمي تواند از آه او نجات يابد

ايتيميز قورد اولالي، بيزده قاييتديق قويون اولدوق
ايت ايله قول- بويون اولدوق
ايت اليندن قاييديب، قوردادا بيرزاد بويون اولدوق
ايت ايله قول- بويون اولدوق
قوردوموز ديشلريني هي قارا داشلاردا ايتيلتدي
قويونون دا ايشي بيتدي
سون، سوخولدي سورويه، بير سوروني سؤكدي- داغيتدي
اكيليب، ايت گئديب ايتدي
بيزده باخديق ايت ايله قورد آراسيندا اويون اولدوق
ايت ايله قول- بويون اولدوق

آينايا باخاندا گؤردوم ، ساققاليما دن دوشوبدي
من كي چوخ قوجالماميشام ، بيلميرم ندن دوشوبدي
هنر اولسا روح جواندير ، هله – هله دوشگون اولماز
اونداكي گؤردون دوشوبسه ن ، بو نفير بدن دوشوبدي
اورايا كي سن گئديرسن ، قويولار آچيبدي آغزين
شيطانين توري ياماندير ، هر گليب گئدن دوشوبدي
نه قدير باشين سلامت ، ال – آياقدا باشسيز اولماز
آياغا دمير دوشه نده ، باشووا چدن دوشوبدي
قويودان كه خلقه قازدين ، چيخا بيلمه سن سلامتپ
آدام اينجيدن بلايه ، آدام اينجيدن دوشوبدي
چابالير اورك سينه مده ، باشي كسيلميش تويوق تك
پيلله ني چيخاندا گؤردوم ، سينه نفه دن دوشوبدي
سئرچه دن سيچاندان آرتيق ، توري بيز قوراندا دوشمز
آمما شئر تورون قوراندا ، فيل يا كرگدن دوشوبدي
« شهريار » عدندن آيري ، مرواري يئتيم قالاندا
يمن جنوبي دن ده ، باخاسان عدن دوشوبدي

اي صفاسين اونودمايان قافقاز
گلميشم ذوق آلام مراقيندان
غيرتي جوشغون اولمايان نه بيلير
كي نه لر چكميشم فراقيندان
اوخوروق بيز سيزين ترانه لري
يادگار عمرلردن ايللردن
باكينين سوز-سويي حكايه لري
دوشمز ايللر دويونجا ديللردن
سازيمين غملي سيملرينده منيم
باكي نين باشقا بير ترانه سي وار
سينه مين دار خرابه سينده درين
بو جواهرلرين خزانه سي وار
سن كيمي قارداش اوز قارينداشيني
آتماييب اوزگه كيمسه توتماياجاق
قوجا تبريزده يوزمين ايل كچسه
باكي قارداشلارين اونوتماياجاق
گلميشيك دوغما يوردوموز باكيا
قوي بو تاريخده افتخار اولسون
شهريارداندا بو افقلرده
بو سينيق نغمه يادگار اولسون

ايسلام اوياتدي خالق باشين قاوزايان قاچير
شيطان باجارمادي كي , ياتانلار اويانماسين
هر رنگي آت , فقط بويان الله بوياغينا
هر آلدادان بوياقلارا قلبين بويانماسين
خالقين گؤزون اوياردي شاهين مير غضبلري
قوي بير اويولسون اوز گؤزو تا گؤز اويانماسين
تبليغ او پايده گرك اولسون كي موددي
بير نقطه سينده ضعفينه بارماق قويانماسين
الفازي مؤحكم ائتملي معناني چوخ لطيف
سؤزلر گرك سوغانديسا , هر كس سويانماسين
...
اما زحمت ايله هوشلانان اولسا , اويانماسين
آغزيندا دادلي سؤزلريوي سن ده (شهريار)
ائيله پيشير كي , خالق داديندان دويانماسين

محرم دير ، خانيم زينب عزاسي
بيزي  سسلر  حسينين   كربلاسي
يولي  باغلي  قاليب  دشمن الينده
داها زوارينين يوق سس- صداسي
( بوگون كرب بلا ويران اولوب دير )
(حسين أوز قانينا غلطان اولوب دير )
چاغير شاه  نجف گلسين  هرايه
جهاديله  آچاق  يول  كربلايه
علي نين  ذوالفقاري داده چاتسين
حسين قربانلاري گلسين منايه
( بوگون كرب بلا ويران اولوب دير )
(حسين أوز قانينا غلطان اولوب دير )
 جهاد ميداني دير، ملت دايانسين
مسلمان خواب غفلتدن اويانسين
اوجالسين    نعره      الله اكبر
گرك  كافر جهنم ايچره  يانسين
( بوگون كرب بلا ويران اولوب دير )
(حسين أوز قانينا غلطان اولوب دير )
 گليب غيرت گوني ، همت زماني
اوجالداق   باشدا  آذربايجاني
گئده ك   صدام   كافرله  جهاده
ييخاق بو بي مروت ائو ييخاني
( بوگون كرب بلا ويران اولوب دير )
(حسين أوز قانينا غلطان اولوب دير )
 حسين زواري نين قورتاردي صبري
قيراق بو قوردلاري ، كافتاري ، بيري
آچاق  يول  كربلايه ، كاظمينه
چكك  آغوشه  او شش  گوشه  قبري
( بوگون كرب بلا ويران اولوب دير )
(حسين أوز قانينا غلطان اولوب دير )
 گرك دين اولماسا ، دونياني آتماق
شرف ،عزتلي بير دونيا ياراتماق
سعادت دير حسين قربانلاري تك
شهادتله   لقاء   اللهه   چاتماق
( بوگون كرب بلا ويران اولوب دير )
(حسين أوز قانينا غلطان اولوب دير )
مسلمان صف چكيب دعوايه گلسين
چاغير عباسي  تاسوعايه  گلسين
قيزي زينب أوزي  صاحب عزادير
چاغير زهراني عاشورايه گلسين
( بوگون كرب بلا ويران اولوب دير )
(حسين أوز قانينا غلطان اولوب دير )
 آنا ! اوغلون شهيد اولدي مبارك
شهادتله سعيد اولدي ، مبارك
اميد  جنتين  تاپدين ، دا سندن
جهنم  نااميد  اولدي ، مبارك
( بئله طوي كيم گؤروب دنياده قاسم )
( طويي ياسه دؤنن شهزاده قاسم )

نه ظريف بير گليــــــن عزيزه سني
منه لايق تــــــــاري يــــاراتميشدي !
بير ظريف روحه بير ظريف جسمي
ازدواج قدرتيـــــــــله قـــــاتميشدي !!!
عشقيمين بولبولي سني دوتموش
هرنه دونيـاده گول وار ، آتميشدي
سانكي دوستاق ايكن من آزادديم
ائله عشقون مني ياهـــاتميشدي !
سؤيدوگيم سانكي هم نفس اولالي
قفسيمدن مني چيخـــارتميشدي
جنّت ائتميــش منيم جهنّمي مي
يانماسين ياخماسين آزاتميشدي
قــــاراگون قارقاسي قونـاندا منيم
آغ گونوم وارســـادا قــاراتميشدي
آدي بـــــاتميش اجل گلنده بيـــزه
من آييم چيخدي گونده باتميشدي
ساراليب گون شافاخدا قان چناغين
قورخودان تيتره ييب جالاتميشدي
قارا بايگوش چـالاندا آغ قوشومي
زعفران تك مني ســـاراتميشدي
كور قضــــا ئوز يولـــون گئدن وقته
چـــاره نين يوللارين داراتميشدي
نه قدر اوغدوم آچمــادين گؤزيوي
گؤز سكوت ابدله يـــــــاتميشدي
او آلا گؤز اويـــــانمادي كي منيم
بختيمي مين كره اويـــاتميشدي
داهــــا كيپريكلرون اولـــوب نشتر
يارامين كؤزمه سين قاناتميشدي
سن نه ياخشي ائشيتمدون بالالار
آنا واي ناله سين اوجــاتميشدي
سني وئرديم بهشت زهــــــرايه
منه مولا اليـــــن اوزاتميــــشدي
اورگي دوغرانان آنـان مه له دي
دونيـــــا زهرين اونا يالاتميشدي
سن باهار ائتديگون چمنده خزان
هرنه گول غونچه وار سوزاتميشدي
نه يامان يئرده كؤچدي كروانيميز ؟
نه يئيين يوك ياپين دا چاتميشدي
قيرخا سن يئتمه دون جاوان گئتدون
من گئديديم كي يئتديم آتميشدي
قوجا وقتيمده بو قـــــارا بختيـــم
مني قول تك بلايه ساتميشدي !!!

ترجمه :

(عزيزه ! خداوند تو را يك عروس ظريف كه لايق من بود خلق كرده بود ! و ازدواج يك روح ظريف را با قدرت به يك جسم ظريف پيوند داده بود !!!)(بلبل عشقم هر چه گل در دنيا بود را رها كرده بود و تنها تو را انتخاب كرده بود ! عشقت بقدري مرا بيخود كرده بود كه گويا من از زندان در حال رها شدن بودم !)(گويا آنكه او را دوست داشتم با من هم نفس شده و از قفسم خارج كرده بود ! و دوزخ مرا مبدّل به بهشت نموده و آتش و سوزاندنش را كاسته بود !)(كلاغ سياه بختي من وقتي به پرواز درآمد ، اگر روز سپيدي هم داشتم آنرا سياه كرده بود ! مرگ كه اسمش محو شود وقتي به منزل ما پا گذارد ، ماه من درآمده و خورشيد هم غروب كرده بود !!!)(خورسيد زرگون شده و آتشدان خونينش در شفق از ترس افتاده و پخش شده بود ! و جغد سياه زمانيكه پرنده ي سپيد مرا شكار كرده بود ، مرا بسان زعفران زردگون كرده بود !!!)(سرنوشت نابينا زمانيكه راه خود را طي ميكرد ، راههاي چاره و تدبير را تنگ كرده بود ! و هر اندازه نوازشت كردم ، چشمهايت را باز نكردي و چشمهايت در سكوت ابديّت خفته بودند !!!)(آن نگار زيبا چشم كه بخت مرا هزاران بار بيدار كرده بود ، از خواب برنخواست ! و ديگر مژه هايت هم برايم نيشتر شده بود و بثوره ي جراحتم را به خونريزي انداخته بود !!!)(تو چه خوب شد نشنيدي كه فرزندانت فرياد واي مادر بلند كرده بودند ! تو را به بهشت زهرا دادم و مولايم دستش را به سويم دراز كرده بود تا تو را از من بگيرد !!!)(مادر دلسوخته و داغدارت بسيار شيون كرد چرا كه روزگار زهر خود را به او چشانده بود ! و چمني را كه تو بهار كرده بودي ، پاييز آمد و هرچه گل و غنچه در آن بود را پژمرده كرد !!!)(قافله ي ما به چه جاي بدي كوچيد ؟ و چه زود هم بار و بنه اش را به مقصد رسانيد ! تو به سن چهل سالگي نرسيدي و جوانمرگ شدي ! كاش من ميرفتم كه شصت و هفت سال دارم !)