من تلاش ميكنم پس هستم

عاقيل, گل بري, گل بري,
گير كؤنوله, نظر ائيله,

گؤرور گؤز, ائشيدير قولاق,
سؤيلر ديله نظر ائيله.

باشدير - گؤوديي گؤتورن,
آياق - منزيله يئتيرن,

دورلو مصلحت بيتيرن,
ايكي اله نظر ائيله.

صوفي ايسن, آليب ساتما,
هلالينا حرام قاتما,

يولون ايريسينه گئتمه,
دوبرو يولا نظر ائيله.

ايكي الين قيزيل قاندا,
چوخ گوناهلار واردير منده,

يا ايلاهي, كرم سنده,
دوشگون قولا نظر ائيله.

خطاي عيدور: يا باني,
وئرن مؤولا آلير جاني,

اول كندي-كندين تاني,
سونرا ائله نظر ائيله!

گل, كؤنول, اينجيمه بيزدن
قالسين, كؤنول, يول قالماسين!

اول-آخير يول قديمدير
قالسين, كؤنول, يول قالماسين!

ارنلر بيزه بوسودير
يالان سؤيلهٔن آسيدير

بو گئرچكلر نفه‌سيدير
قالسين, كؤنول, يول قالماسين!

بابچادا آچيلان گولدير
معنايي سؤيلهٔن ديلدير

پس, ازلدن قديم يولدير
قالسين, كؤنول, يول قالماسين!

باشيندادير آلتون تاجي
بودور, ارنلر مئراجي

كسكيندير يولون قيليجي
قالسين, كؤنول, يول قالماسين!

ائي ديوانه, ائي ديوانه
عاشق اولان قييار جانه

خطاي دئر, تاجلي خانه
قالسين, كؤنول, يول قالماسين!

ايچميشم بير دولو, اولموشام آييق
دوشموشم دابلارا, اولموشام گئييك

سنه دئرم, سنه, سورمه‌لي گئييك
قاچما مندن, قاچما آوچي دئييلم

آوچي دئييلم كي, دوشم ايزينه
قاچا-قاچا قانلار ائندي ديزينه

سورمه‌لر هئي چكدين قونور گؤزونه
قاچما مندن, قاچما آوچي دئييلم

سنه دئرم - سنه, گئييك ارنلر
بيزه سئودا, سنه دالبا وئرنلر

ديله‌رم مؤولادان يئنمز وورانلار
قاچما مندن, قاچما آوچي دئييلم

عيدئر, شاه خطايم اوچان قاچاندان
ذره‌جه قورخماريق بو داتلي جاندان

گئديب دواج اولما آتانا ماندان
قاچما مندن, قاچما آوچي دئييلم

بيز ده خاندانه گئدر دئر ايديك
مئهمان جانلار, بيزه صفا گلدينيز!

هر صاباح, هر صاباح يوزوم اوستونه
مئهمان جانلار, بيزه صفا گلدينيز!

بلي, دئديك, بير گئرچهٔين دستينه
جانيم قوربان اولسون حاقين دوستونا

هر صاباح, هر صاباح يوزوم اوستونه
مئهمان جانلار, بيزه صفا گلدينيز!

گئتدي يولداشلاريم, قالديم يالينيز
بابچادا آچيلير قؤنچه گولوموز

شكر محبتيز, دادلي ديليميز
مئهمان جانلار, بيزه صفا گلدينيز!

بايقوش كيمي نه بكلرسن ويراني
شوكور اولسون سني بيزه وئره‌ني

سولطان خطاي‌نين ايشي, يئره‌ني
مئهمان جانلار, بيزه صفا گلدينيز!

يئنه مئهمان گؤردوم, كؤنلوم شاد اولدو
مئهمانلار, سيز بيزه صفا گلدينيز!

قار-قيش يابار ايكن, باهار-ياز اولدو
مئهمانلار, سيز بيزه صفا گلدينيز!

موصافير عشق قاپوسونون ديليدير
خيزري سئو كيم, صاحبي‌نين قولودور

تانري موصافيري پيريم اليدير
مئهمانلار, سيز بيزه صفا گلدينيز!

بير ائوه قهر اولا, موصافير گئتمز
چاليشسا, چيرپينسا اكديگي بيتمز

چابيرسا, بابيرسا, بير يئپه يئتمز
مئهمانلار, سيز بيزه صفا گلدينيز!

حوممت ائيله سن كي, دايما گله
يامان-ياخشي بيزيم يوزوموز گوله

بؤيوك-كيچيك اونو, هم, خيزير بيله
مئهمانلار, سيز بيزه صفا گلدينيز!

موصافير گلير كي, قيسمتي بيله
موصافير خيزيردير عذرونو ديله

خطايم اوبرويو توت, وئر گل اله
مئهمانلار, سيز بيزه صفا گلدينيز!

ووجوديم شهرين سئير ائديب گزديم
ديدار ايله محبته عشق اولسون

همن بير نسنه‌ده قالدي نظريم
ديدار ايله محبته عشق اولسون

عشقيم جوش ائيله‌دي كئچدي سريمدن
آرتيب گلير محبتين نوروندن

نيازيميز بودور جاني-كريمدن
ديدار ايله محبته عشق اولسون!

قودرت قنديليندن آتدي دانيي
ائندي لؤوهي عذره توتدو بينايي,

جونبوشه گتيرن چرخي-فنايي
ديدار ايله محبته عشق اولسون!

فيل يوكون يوكلتمه, قارينجا چكمز
دورلو ريحان چوخدور, گول كيمي قوكماز

دونيا مالين وئرسن, بيزه گركمز
ديدار ايله محبته عشق اولسون!

يوجالاردا اولور اول هوما قوشي
دوستوم, محبتدير عاشقه ايشي

پيريم خطايدير جومله‌نين باشي
ديدار ايله محبته عشق اولسون!

كؤنول, نه گزيرسن سئيران يئرينده,
عالمده هر شئيين وار اولمايينجا.

اولورا-اولمازا دوست دئييب گزمه,
بير عهدينه بوتون يار اولمايينجا.

يورو, صوفي, يورو, يولوندان آزما,
ائلين قئيبتينه قويولار قازما.

يورولما بيهوده, بوشونا گزمه,
يانيندا مورشيدين يار اولمايينجا.

قالخدي, هاوالاندي كؤنولون قوشو,
قووبا, قئيبت ائتمك گؤنتونون ايشي,

اوستادين تانيماز بوندا هر كيشي,
اونون كيم, مورشيدي ار اولمايينجا.

واريب بير كؤنتويه سن اولما نؤكر,
چرخينه دؤگر ده دولونو دؤگر,

نه خودادن قورخار, نه حجاب چكر,
بير كؤنتوده ناموس, آر اولمايينجا.

شاه خطاي, ائديم بو سيرري بَيان,
كاميلميدير جاهيل سؤزونه اويان?

بير باشدان آبلاماق عومره‌دير زيان,
ايكي باشدان موهوبب, يار اولمايينجا.

وارساغيلار
قايبدن دليل گؤروندون,

دده‌م, خوش گلدين, خوش گلدين!
بيزي سئويب سئوينديردين,

دده‌م, خوش گلدين, خوش گلدين!
ايكي جان ايديك بيرلشديك,

محبت قاپيسين آشديق,
شوكور ديدارا ايريشديك,

دده‌م, خوش گلدين, خوش گلدين!
اوستوموزه يول اوبراتدين,

گؤوهر آلدين, گؤوهر ساتدين,
ارليگيني اثبات ائتدين,

دده‌م, خوش گلدين, خوش گلدين!
بير آباجدا گوللر بيتر,

داليندا بولبوللر اؤتر,
شاهيما برگوزار گئدر,

دده‌م, خوش گلدين, خوش گلدين!
بويله, شاه خطايم, بويله,

پيريم دستور وئرسين سؤيله,
شاها مندن نياز ائيله,

دده‌م, خوش گلدين, خوش گلدين!
بير گؤزه‌لين ووجودونون شهرينه,

باخ, نظر ائيله ده همن عاريف اول,
دوكانيندا دئديگين متاينا,

باخ, نظر ائيله ده همن عاريف اول.
سئير ائت اؤزگه ارنلرين گؤره‌سين,

طبيب سارار يورگيمين ياره‌سين,
چرب ائيله‌مه محبتين چاره‌سين,

باخ, نظر ائيله ده همن عاريف اول.
هرجايي گؤزله قوشما باشيني,

هرجاييليك ائديب, آتار داشيني,
موشتري بولورسا, سؤز قوماشيني,

باخ, نظر ائيله ده همن عاريف اول.
خطاي دئر: - رحم ائتمزم يالانا,

اؤزون تسليم ائدر كندي گلنه,
آي اليدير, گون موهممد بيلنه,

باخ, نظر ائيله ده همن عاريف اول.

گل, آ كؤنول, خوش گؤره‌ليم بو دمي,
بو دا بؤيله قالمايا بير گون اولا.

كيشي, چكمك گرك قوسسئيي, قمي,
حاقدان گلير, هر نه گلسه بير قولا.

ار اودور ائتيقاد ائده پيرينه,
نظر ائده اولو آخيرينه.

البت, يول قديمدير ايلتر يئرينه,
سانا كيم نئيلرسه, سالاگؤر يولا.

بيز ده بيليريك كي, دوستو, قارداشي,
بولاماديم بير قارا گون يولداشي.

دوست كئچينيب, يوزه گولن قللاشي,
باهاسيدير, ساتماق گرك بير پولا.

هر كيشي بير خيال ايله اگله‌نير,
دايم اونون كؤنلونده اول بكله‌نير.

بؤيله اولور سئوديگيم گاه آبلانير,
كيمي گؤردوك قييامته‌دك گوله.

قارونو گؤر بونادي, يا بولدوقجا,
ايناندي, فلك يوزونه گولدوكجه,

سن ائييليك ائت, دورما الدن گلديكجه,
دئديلر: خالق بيلمزسه, خاليق بيله.

گئرچك اولان كيشي دوستدان آيريلماز,
دگمه كيشييلرده حقيقت اولماز,

سن, سني ساتيبان, يئديرسن بيلمز,
بو زاماندا كيمسه ياراماز ائله.

خطاي, دونيانين اؤته‌سي فاني,
بيزدن اول بوندا گلنلر قاني?

سانما دايم شاد يورويه دوشماني,
بير گون اولوب, نؤوبت اونا دا گله

بو يولون يولچوسو اولاييم, دئرسن
الده ايكي قارپيز توتمالي دئگيل

درويش اولوب, شالوار گئيهٔيم, دئرسن
گاهي گئييب, گاهي آتمالي دئگيل

نامرد بابچاسيندا قؤنچه گول اولماز
كاميل ايله يولداش اولان يورولماز

ايكي مخلوق واردير, حاقا قول اولماز
مبرورلوق, كيبيرليك ائتمه‌لي دگيل

مبرورلار اورادا اولورلار يالان
كيبر ايميش يورولوب يوللاردا قالان

اگر يولچو ايسن كؤرپونو دولان
گؤز گؤره چامورا باتمالي دگيل

قويون قوزوسونا ناسيل مله‌دي
اؤكوزون قولابينا كيملر انه‌دي

قريب بولبول گول داليندا تونه‌دي
هر چالي باشيندا اؤتمه‌لي دگيل

شاه خطاي ايمام جعفر موخبيري
حاقين يارانيدير وئيسولقره‌ني

حاقين خزنه‌سيندن گلن گؤوهري
موشتري اولمادان ساتمالي دگيل

ايقرار وئرديم, دؤنمن الست بزميندن
وئرديگيم ايقراري ايماندان آلديم

باشقا سئيران گؤردوم, كندي اؤزومدن
بو محبتي من مرداندان آلديم

نارو بادو خاكدن بيلين خلق اولدوم
كندي-كنديم آنا رحمينده بولدوم

مدت تامام اولدو دونيايه گلديم
بو عيبرتنومايي جاهاندان آلديم

بيلديگيم اونوتدوم, ائيله‌رم فرياد
درديم بودور, ديل يوخ ايستهٔم ايمداد

تكرار يئنه تعليم ائتدي بير اوستاد
درسيمي مكتبي-اورفاندان آلديم

جان گؤزو قفلتدن آچيلا دوشدو
ايكيليك پرده‌سي سئچيله دوشدو

قودرت خزينه‌سي آچيلا دوشدو
جواهيري كاني-مرجاندان آلديم

بو بير گيزلي سيردير, هر جان دوياماز
اهلي-عشقين قاتارينا اوياماز

دگمه, جؤوهرفوروش باها قوياماز
بو دورري-يئكتادير, عمّاندان آلديم...

گل دوشونمه, آبلا سيبماز بو ائليم
قودرت خزنه‌سي‌نين موفتاهي ديليم

بير اولو درگاها اولاشدي يولوم
بيلمهٔن سانير كي, دوكاندان آلديم

آه ائديب اوتانديم كندي سؤزومدن
مست اولوب, تورابه دوشدوم اؤزومدن

قانلي ياش آخيتديم ايكي گؤزومدن
ماجرايي چشمي-گيرياندان آلديم

موسايه تسللي گؤروندو توردن
مست اولوب, آبليني شاشيردي سيردن

ان الحق سيرريني آلديم منصوردن
محبت كمرين اركاندان آلديم...

حق بيلير سؤزومه حيله‌قاتمازام
هر كسه بو سيرري ايان ائتمزم

قييمتي بيلينمز يئرده ساتمازام
من بو نصيحتي بير جاندان آلديم

چاليش بو گيردابين چيخ يؤره‌سينه
درمان گيزله‌نيبدير درد آراسينا

ملهم ساريلارمي عشق ياراسينا؟
بو علمي حيكمتي لوقماندان آلديم

عالم باشدان-باشا بير سئيرنگاهدير
كير كؤنول شهرينه, گؤر نه درگاهدير

بير گيزليجه سيردير, قودرتوللاهدير
يازيلميش دفترو ديواندان آلديم

تركو تجريد اولدوم, تؤكدوم قبايي
اگنيمه گئيينديم شالو عبايي

مانا سورون كيمدن آلديم ياسايي؟
ايسماييلا ائنن قورباندان آلديم

دونيادان ال چكديم اركاندير ايشيم
چشميله بورهاندير, تؤكولور ياشيم

سيزلره هديه‌, الده‌دير باشيم
اول ياشيل ياررابي سلماندان آلديم...