يا عليّ المرتضي

عرضه يازديم من سنه، اي شاه خوبانيم مدد
عرض حاليم سن بيلورسن، دين و ايمانيم مدد

شرمسارم، پرگناهم، سن باغيشلا يا كريم!
جمله لرني يارليغايين، كامل احسانيم مدد

مست و مجنون اولميشام من فرقتيندن يا حبيب!
اي حقيقت عالمينده اينجه اركانيم مدد

بو اليم دور دامنينيز يا عليّ المرتضي
بوي وصليندور سنون هر درده درمانيم مدد

هر يانا عزم ائيلر اولسان سوره ي فتح اولدي فتح
آچيلور باغلو قاپي، دولتلي دربانيم مدد

بو "خطايي" نين گناهين سن گتورمه يوزينه
شاه مردان، شير يزدان، سرّ سبحانيم مدد