شريعت

باهارين گلديگين ندن بيلييم
گول ديكنده بيتر، بولبول تالدا‌دير

اييوبون تنينده ايكي قورد قالدي
بيري ايپك سارار، بيري بالدا‌دير

كؤنلونه گتيرمه شكك ايله گومان
سيد نسيمييه دئ، اول اولدو شان

تانري ايله مينبير كلام سؤيلشن
علي مدينه‌ده، موسا توردا‌دير

شريعت يولونو محمد آچدي
تريقت گولونو شاه علي سئچدي

شو دونيا‌دان نئچه يوز مين ار كئچدي
اونلار اتفاقدا، مئهدي يولدا‌دير

آدمين، حاتمين ذات-ي فزلوللاه
اشيايي قرق ائتميش بو بير سيرروللاه

شاهنشاهي-قوتبي-عالم زيللوللاه
قودرت-ي نظري مؤمن قولدا‌دير

شاه ختاي آيدير: سيرريني يايما
قيلا گؤر نامازين قزايه قويما

شو يالان دونيادا هئچ سابام دئيمه
تنين تناشيرده، سيررين سالدا‌دير