ديلبر

گئتدي اول ديلبر, بسي درد و بلا قالدي منه
نه بلا, بيل كيم, يوكوش جؤورو جفا قالدي منه

بونجا گلديم, من گدايه هئچ اينايت قيلمادين
ائشيگينده قالديغيم دستي-دعا قالدي منه

موژده گلدي ديلستانيمدن كي, قتل اولدو رقيب
شوكر كيم, بيگانه گئتدي, آشينا قالدي منه

آنجا كؤوكب كيمي, ياش تؤكدي, غميندن گؤزلريم
يئر ايله, گؤگ ايله كئيوان هم, باخا قالدي منه

ائي خطاي, زولفي تك آريندي يوزدن زنگبار
ديلبري-چينو خؤتن, خوبي-خطا قالدي منه

جان اولماز ايسه, سن تكي جانان يئتر منه
وصلين بو خسته كؤنلومه درمان يئتر منه

هيجرين جفاسي ائيله ييخيبدير بو كؤنلومو
هر شب قاپوندا نالوو افغان يئتر منه

ظلمت ايچينده آبي-حيات ايسته‌مز كؤنول
لعلين زولالي چشمهٔ-حئيوان يئتر منه

زاهيد, قوپارما سن مني مئيخانه‌دن بو گون
روزي-ازلده يار ايله پئيمان يئتر منه

گرچي, خطاي, گئتدي اليندن ويصالي-دوست
هردم خيالي-ديدهٔه مئهمان يئتر منه