نفسين دينلينين

سؤزونو بير سؤيلينين
سؤزونو ائدر ساب بير سؤز

پير نفسين دينلينين
يوزونو ائدر آب بير سؤز

بير سؤز واردير خالق ايچينده
دخي سؤز وار خولق ايچينده

اولمايا كي, دلق ايچينده
دئيسن چارقاداق بير سؤز

سؤز واردير كسديرير باشي
سؤز واردير كسر ساواشي

سؤز واردير آبولو آشي
بال ايلن ائدر ياب بير سؤز

سؤزونو ياخشي بيشيرگيل
ياخشي ئوس ايله دوشورگيل

يارامازيني شاشيرگيل
جانينا اولور داب بير سؤز

ايسترم گؤرييم ياري
بو رمزي آنلاگيل باري

هزاران اهلي-ايقراري
ائدر قارا تورپاق بير سؤز

شاه ختاي, آياتين‌دن
سؤزون سؤيله اوز ذاتين‌دن

اولمايا كيم, پير قاتين‌دن
سني ائده ايراب بير سؤز!