سرسري, گيرمه ميدانا

سرسري, گيرمه ميدانا,
عاشق, سندن يول ايسترلر.

قللاش ايله اوتورمادان,
ايمان اهلي, پول ايسترلر.

بو يولا گيرن اوتورماز,
حاق سؤزه حيله‌قاتيلماز,

بوندا هئچ حيله‌ساتيلماز,
گؤوهريندن قول ايسترلر.

بير قيلي مين پاره ائدر,
بو يولو ايختييار ائدر,

شاهيم بير يول قورموش, گئدر,
يول ايچينده, يول ايسترلر.

شاه خطاي دئر: نئيلرسن,
هر موشكولي حل ائيلرسن,

آريسان چيچك اييلرسن,
يارين سندن گول ايسترلر!