جان اولماز ايسه

جان اولماز ايسه، سن تكي جانان يئتر منه
وصلين بو خسته كؤنلومه درمان يئتر منه

هيجرون جفاسي ائيله ياخوبدور بو كؤنلومي،
هر شب قاپوندا، ناله و افغان يئتر منه

ظلمت ايچينده، آب حيات ايستمز كؤنول،
لعلون، زلا‌لي چشمه ي حيوان يئتر منه

زاهد! قووارايسن مني ميخانه‌دن بو گون!
روز ازلده يار ايله پيمان يئتر منه

گر چي،"خطايي"، گئتدي الوندن وصا‌ل دوست،
هر دم خيا‌ل ديده ده مهمان يئتر منه

گئتدي اول دلبر، بسي درد و بلا قالدي منه،
ني بلا، بل كيم، يوكوش جور و جفا قالدي منه

مونجا گلديم من گدايه هئچ عنايت قيلمادون،
ائشيگونده قالدوغيم دست دعا قالدي منه

مژده گلدي دلستانومدن كي، قتل اولدي رقيب،
شكر كيم، بيگانه گئتدي، آشنا قالدي منه

آنجه كوكب كيمي، ياش تؤكدي، غموندن گؤز‌لريم،
يئر ايله، گؤگ ايله، كيواندا باخا قالدي منه

اي "خطايي"! زولفو تك آريندي يوز‌دن زنگبار،
دلبر چين و ختن، خوب "ختا" قالدي منه