اعرابلر

رخلرون مصحف، نيگارا! خط لرون اعرابلر
باخدوم، اول يوزون منه فتح اولدي يوزمين باب لر

ذرّه ايدوم، گون تكي، عالمده مشهور اولموشام
تا منه دوشدي سنون مهر رخندن تاب لر

گر سنون يوزون دگول عاشيق لر ايچون قبله گاه
پس ندن بولدي هلال قاشلارون محراب لر؟

تا سنون زولف و رخوني گورميشيم هر صبح و شام
گئجه- گوندوز، گريه دن گلمز گوزومه خواب لر

چين زولفون بندينه دوشدي "خطايي" خسته دل
شربت لعلوندور اونا قند ايلن عنّاب لر