ياتا بيلمه ييرم

بو گئجه من كي ياتا بيلمه ييرم باشي باشلاره قاتا بيلمه ييرم
يوخوسوزلوق مني قاتلاشديردي من بو نامرده باتا بيلمه ييرم
اؤغري قالديردي قازان – قابلامامي كيم ال آتسين حاجاتا؟ بيلمه ييرم
اؤغرونون كيم يئتيريب اؤمباسين ازيخليا بير زؤپاتا بيلمه ييرم!
آيليق آلدوق ، ا وئرديك گئتدي نه يئيه ك ، اي واي آتا ! بيلمه ييرم
ده ده ميز يؤخ ، كيمه چكمك باراتي كيمي سالماخ باراتا بيلمه ييرم
جيب ده قالميشسادا بير بئش ماناتيم نه آليم بئش ماناتا بيلمه ييرم
ده لي شيطان دئيري : يؤرقاني سات! قيشدي ، يؤرغاندي ، ساتا بيلمه ييرم!!
قار دئيير گل كيشي سن پامبوغ آتاق كيشي ! من پامبوغ آتا بيلمه ييرم!!
هي گليب ، مندن آليرلار شتلي كيم ساليب مازي ماتا بيلمه ييرم؟
زندگانليق قؤراتا بير شيئي اؤلوب َيه لازم قؤراتا بيلمه ييرم
بير سوموك دور كي بؤغازلاردا قاليب كيم آتا ياكيم اوتا بيلمه ييرم
قار- ياغيشدا بونه قؤندوم – كؤشدوم؟ نيه دوشدوك بو اؤتا بيلمه ييرم
بو كتابلار ئؤزي بير آت يوكودور بوني كيم چاتسين آتا بيلمه ييرم
چاي سيزام تاپميورام چاي پاكاتين نه گليب بو پاكاتات بيلمه ييرم
هي سؤيوقدان قورولوب بيگ دورورام كيمدي يئنگه - موشاتا بيلمه ييرم
ال كي دوتمور يازام ، ال تاپاقدا قلمه يا داواتا ، بيلمه ييرم
گئجه ميز صبح اؤلاجاق يا هله وار؟ باخيرام هي ساعاتا بيلمه ييرم
قوش اوچار ، آمما نه درمان ائله مك؟ داش ده گن قؤل قاناتا بيلمه ييرم
آي قاداشلار ! منه بير ال يئتيرون يوك آغيرلاشدي چاتا بيلمه ييرم
طبع شعريم دايانيب ، سؤنجوق آتير من ده كي سؤنجوق آتا بيلمه ييرم