آزادليق قوشي وارليق

هر چند قوتولماق هله يوخ دارليغميزدان
اما بير آزادليق دوغولوب وار ليغميزدان
(وارليق)نه بيزيم تكجه آزادليق قوشوموز دير
بير مژده ده وئرميش بيزه همكار ليغميزدان
به به نه شيرين ديللي،بو جنت قوشي،طوطي
قندين آليب الهام له ديندار ليغميزدان
ديل آچامدا كارليق داگئدر،كورلوغلوموزدا
چون لا لليغميز دوغموش ايدي كار ليغميزدان
دشمن بيزي ال بير گؤره،تسليم اولي ناچار
تسليم اولوروق دشمنهناچار ليغميزدان
هر انقلابين وور- ييخي صون بناليق ايسته ر
دستور گرگ آلماق داها معمار ليغميزدان
هشيار اولاسوز،دشمني مغلوب ائده جكسيز
دشمنلريميز قورخوري هشيار ليغميزدان
بيرليك يارادون،سؤز بير اولاربيز كيشي لرده
يوخلوقلاريميز بيتديره جك وار ليغميزدان