پروانه و شمع

برق اولمادي ” قيزيم گئجه يانديردي لاله ني
پروانه نين ” اودم ده باخير ديم اداسينه
گؤردوم طواف كعبه ده يانديقجا يالوارير
سؤيلور : دؤزوم نه قدر بو عشقين جفاسينه ؟
يا بو حجاب شيشه ني قالديركي صاورولوم
يا سوندوروب بو فتنه ني ” باتما عزاسينه !
باخديم كي شمع سؤيله دي : اي عشقه مدعي !
عاشق هاچان اولوب يئته اؤز مدعا سينه ؟
بير يار مه لقادي بيزي بئيله يانديران
صبر ائيله يانديران دا چاتار اؤز جزاسينه “
اما بو عشقي آتشي عرشيدي ” جاندادير
قوي يانديريب خوديني يئتيرسين خداسينه